გელა ყიფიანი
დამფუძნებელი / პრეზიდენტი / მმართველი საბჭოს წევრი
გელა ოთარის-ძე ყიფიანი დაიბადა 1956 წლის 16 იანვარს
ამბროლაურის რაიონის სოფელ მეორე ტოლაში. 1982 წელს
დაამთავრა თბილისის სახელმწიფო უნივერსიტეტის მექანიკა-
მათემატიკის ფაკულტეტი მექანიკის სპეციალობით. ამავე
წელს განაწილებით მუშაობა დაიწყო ქუთაისის ნ.
მუსხელიშვილის სახელობის პოლიტექნიკური ინსტიტუტის
უმაღლესი მათემატიკის კათედრაზე ასისტენტის
თანამდებობაზე.
1986 წელს ჩაირიცხა ლენინგრადის საინჟინრო-სამშენებლო ინსტიტუტის
თეორიული მექანიკის კათედრაზე ასპირატურაში, სადაც 1989 წელს ვადაზე ადრე
დაიცვა საკანდიდატო დისერტაცია შიფრით 052317 სამშენებლო მექანიკის
სპეციალობით. ამავე წელს გადავიდა სამუშაოდ საქართველოს პოლიტექნიკური
ინსტიტუტის თეორიული მექანიკის კათედრაზე ასისტენტის თანამდებობაზე.
1990 წლიდან ამავე კათედრის დოცენტია.
1993-1996 წლებში არის სანკტ-პეტერბურგის სახელმწიფო არქიტექტურულ-
სამშენებლო უნივერსიტეტის ხისა და პლასტმასის კონსტრუქციების კათედრის
დოქტორანტია სამშენებლო მექანიკის სპეციალობით.
1997 წელს დაიცვა დისერტაცია და მიენიჭა ტექნიკის მეცნიერებათა
დოქტორის ხარისხი, ხოლო 1989 წელს პროფესორის წოდება სამშენებლო
მექანიკაში.
ამავე წლიდან არის თეორიული მექანიკის კათედრის პროფესორი. 2006-2013
წლამდე არის საქართველოს ტექნიკური უნივერსიტეტის საინჟინრო მექანიკის
დეპარტამენტის სრული პროფესორი.
ამავე წლებში ეწეოდა ადმინისტრაციულ საქმიანობას. 1996 წელს
საქართველოს ტექნიკური უნივერსიტეტის სამეცნიერო-ტექნიკური საბჭოს
სწავლული მდივანი. 1997-2005 წლებში საქართველოს ტექნიკური
უნივერსიტეტის სამეცნიერო-კვლევითი სამუშაოების სამმართველოს უფროსი.
2005-2007 წლებში არის სამეცნიერო სამსახურის უფროსი.
2013 წლიდან დღემდე ააიპ „განათლებისა და მეცნიერების პროგრესის“-ს
პრეზიდენტი.
2014 წლიდან 2019 წლამდე საქართველოს საავიაციო უნივერსიტეტის
რექტორის მოადგილე სამეცნიერო დარგში, სამაგისტრო და სადოქტორო
საგანმანათლებლო პროგრამების ხელმძღვანელი, პროფესორი.
მისი სამეცნიერო მიმართულებაა: წყვეტილპარამეტრებიანი თხელკედლიანი
სივრცითი სისტემების მდგრადობის საკითხების გამოკვლევა; დამუშავებული
აქვს ტეხვებისა და წიბოების მქონე გარსების გაანგარიშების ახალი მეთოდი
არაწრფივი დეფორმაციის პირობებში. ეს მეთოდი საშუალებას იძლევა ერთიან
მეთოდოლოგიურ საფუძველზე გამოკვლეულ იქნას დისკრეტული და
კონტინუალური სისტემები. ამასთან გაითვალისწინება არარეგულარობის
სხვადასხვა სახეები: გამჭოლი ჭრილით, მართკუთხა მონაჭრით ან ხვრეტით
შესუსტებული სამფენოვანი ფირფიტისათვის. ავტორის მიერ პირველად იქნა
ამოხსნილი კრიტიკული მკუმშავი დატვირთვის განსაზღვრის ამოცანა თხელი
ფირფიტების თეორიისა და განზოგადოებული ფუნქციათა თეორიის
გამოყენებით. შემოთავაზებული მეთოდიკის საფუძველზე შემუშავებული
პრაქტიკული რეკომენდაციები ფართოდ იქნა გამოყენებული მშენებლობაში.
გ. ყიფიანი წლების განმავლობაში იყო საქართველოს ტექნიკური უნივერსიტეტის
დიდი სამეცნიერო საბჭოსა და პროფესორთა საბჭოს წევრი, ასევე სამშენებლო და
სატრანსპორტო ფაკულტეტებთან არსებული სადისერტაციო საბჭოების წევრი.
2001 წელს გ. ყიფიანი გამომცემლობა „მესხეთის“ პრემიის ლაურეატია. 2004 წელს
ხდება საქართველოს მეცნიერების და ტექნიკის დარგის სახელმწიფო პრემიის
ლაურეატი. არის რამოდენიმე საქართველოს და საერთასორისო დარგობრივი
აკადემიების წევრი. ასევე ეწევა საზოგადოებრივ საქმიანობას. 2001 წლიდან გ.
ყიფიანი თეორიული და გამოყენებით მექანიკაში საქართველოს ეროვნული
კომიტეტის ერთ-ერთი დამფუძნებელი და პირველი გენერალური მდივანია. 2008
წლიდან მექანიზმების გამოყენებითი მექანიკის ისტორიის საერთაშორისო
საქართველოს ეროვნული კომიტეტის წევრია. 2011 წლიდან საქართველოს
მექანიკოსთა კავშირის ერთ-ერთი დამფუძნებელი და აღმასრულებელი მდივანია.
ამავე წლიდან ინჟინერთა საზოგადოების მმართველთა საბჭოს წევრია.
გამოქვეყნებული აქვს 300-ზე მეტი სამეცნიერო ნაშრომი, მათ შორის 6
მონოგრაფია, 7 პატენტი, 14 სახელმძღვანელო. მისი ხელმძღვანელობით
დაცულია 30-მდე საკანდიდატო და სადოქტორო დისერტაციები. მიღებული აქვს
პრეზიდენტის მადლობა 1997 წელს და ღირსების მედალი 2002 წელს. 2018 წელს
დაჯილდოვდა ილია ვეკუას მედლით.
გელა ყიფიანი ხელმძღვანელობით და სწავლული მდივნობით ჩატარებულია
200-მდე სამეცნიერო კონფერენცია და სომპოზიუმი მშენებლობისა და
არქიტექტურის პრობლემებზე. არის საქართველოს და საზღვარგარეთის
ქვეყნების 40-მდე ჟურნალის სარედაქციო კოლეგიის წევრი.
დავით ყიფიანი
ვიცე პრეზიდენტი / მმართველი საბჭოს წევრი
დავით ოთარის-ძე ყიფიანი დაიბადა 1962 წლის 22 აგვისტოს ამბროლაურის რაიონის სოფელ ხვანჭკარაში. დაამთავრა საქართველოს პოლიტექნიკური ინსტიტუტის ავტომატიკისა და ტელემექანიკის ფაკულტეტი.
1990 წელს მუშაობა დაიწყო საქართველოს პოლიტექნიკური ინსტიტუტის თეორიული მექანიკის კათედრაზე ლაბორანტის თანამდებობაზე. 1992–1995 წლებში იყო ამავე კათედრის უფროსი ლაბორანტი. 1995 წლიდან 2008 წლამდე იყო საქართველოს ტექნიკური უნივერსიტეტის თეორიული მექანიკის კათედრაზე ლაბორატორიის გამგე. 2005 წელს დაიცვა საკანდიდატო დისერტაცია შიფრით 052317 – სამშენებლო მექანიკა. 2006 წლიდან აქვს ინჟინერიის დოქტორის კადემიური ხარისხი.
გამოქვეყნებული აქვს 70-მდე სამეცნიერო ნაშრომი, მათ შორის 3 სახელმძღვანელო და 2 მონოგრაფია.
2013 წლიდან დღემდე ა(აიპ) „განათლებისა და მეცნიერების პროგრესის“-ს ვიცე-პრეზიდენტია.
1998 წლიდან არის საქართველოს საინჟინრო აკადემიის მრჩეველი.
2012 წლიდან არის საქართველოს ეროვნული აკადემიისა და ბიზნეს მეცნიერებათა აკადემიის აკადემიკოსი, ნამდვილი წევრი.
ირმა გოგოლაძე
მმართველი საბჭოს წევრი
ირმა იონას ასული გოგოლაძე დაიბადა 1967 წლის 28 ოქტომბერს თბილისში. დაამთვარ ივანე ჯავახიშვილის თბილისი სახელმწიფო უნივერსიტეტის ფილოლოგიური ფაკულტეტი რუსული ენისა და ლიტერატურის სპეციალობით.
1993 წლიდან 2008 წლამდე მუშაობდა საქართველოს ტექნიკური უნივერსიტეტის რუსული ენისა და ლიტეარტურის კათედრაზე უფროსი მასწავლებლის თანამდებობაზე.
2008 წლიდან 2016 წლამდე მუშაობდა ქ. თბილისის 71-ე საჯარო სკოლაში რუსული ენისა და ლიტერატურის სერტიფიცირებული მასწავლებლის თანამდებობაზე.
2013 წლიდან დღემდე ა(აიპ) „განათლებისა და მეცნიერების პროგრესის“-ს მმართველი საბჭოს წევრი.
მალხაზ ნიკოლაძე
მმართველი საბჭოს წევრი
მალხაზ ნიკოლაძე დაიბადა 1958 წლის 7 აგვისტოს თბილისში. 1980 წელს დაამთავრა საქართველოს პოლიტექნიკური ინსტიტუტის მექანიკა-მანქანათმშენებლობის ფაკულტეტი.
1980 წელს მუშაობა დაიწყო თბილისის საავიაციო ქარხნის მთავარი კონსტრუქტორის განყოფილების ინჟინერ-კონტრუქტორის თანამდებობაზე, სადაც მუშაობდა 1988 წლამდე. 1988 წლიდან არის საქართველოს ტექნიკური უნივერსიტეტის ნაგებობების, სპეციალური სისტემების და საინჟინრო მომსახურების მეცნიერ თანამშრომლად. ამავე დროს კითხულობს ლექციათა კურსს „მასალების და კონსტრუქციები“ საქართველოს ტექნიკური უნივერსიტეტის საერთაშორისო დიზაინის სკოლაში.
გამოქვეყნებული აქვს 10-მდე სამეცნიერო ნაშრომი, მონაწილეობდა 10-მდე საერთაშორისო სამეცნიერო კონფერენციებში, არის 7 გამოგონებების თანაავტორი.
2013 წლიდან დღემდე ა(აიპ) „განათლებისა და მეცნიერების პროგრესის“-ს მმართველი საბჭოს წევრი.
ამირან აფციაური
მმართველი საბჭოს წევრი
ამირან ზაქარიას ზე აფციაური დაიბადა 1954 წელს თბილისში. დაამთავრა საქრთველოს პოლიტექნიკური ინსტიტუტი. 1976 წლიდან მუშაობდა ქუთაისის პოლიტექნიკურ ინსტიტუტში. 1977-82 წლებში სწავლობდა მოსკოვის ბაუმანის სახელობის უმაღლეს ტექნიკურ სასწავლებელში, სადაც შეასრულა საკანდიდატო და სადოქტორო სამუშაოები.
1985-90 წლებში აეროდინამიკაში, ტალღური და გრიგალური დინებების საკითხებზე გამოსცა სამი მონოგრაფია. ნაშრომებში მოცემული პულსირებული ნაკადების ახალი, ინტეგრალური თეორიის შექმნის გამო, საკავშირო უმაღლესმა საატესტაციო კომისიამ მას მეცნიერებათა დოქტორის სამეცნიერი ხარისხი მიანიჭა.
გამოცემული აქვს ნაშრომები თერმოდინამიკაში. 1982 წლიდან ხელმძღვანელობდა ქუთაისის პოლიტექნიკური ინსტიტუტის თერმოდინამიკის კათედრას. იყო ამ ინსტიტუტის პროფესორი და პრორექტორი ეკონომიკის დარგში. 1995-96 წლებში, შეთავსებით, მუშაობდა თბილისში, ტექნიკური უნივერსიტეტის თბოფიზიკის კათედრის პროფესორად. 1998-2002 წლებში მუშაობდა გაეროს პროგრამის პროექტის კოორდინატორად იმერეთში, რომლის ფარგლებშიც მოხდა ქუთაისის და იმერეთის 11 რაიონის სამთავრობო სტრუქტურების კომპიუტერიზაცია და მოქცევა ერთიან ქსელში. ამჟამად ხელმძღვანელობს ქუთაისის ტექნოლოგიურ აკადემიას.
ეწევა აქტიურ სამეცნიერო კვლევებს თერმოდინამიკასა და აეროდინამიკაში. უკანასკნელი პერიოდის სამეცნიერო პუბლიკაციები შესრულებული აქვს არაწონასწორულ თერმოდინამიკასთან და ტურბულენტობის პრობლემებთან დაკავშირებით (გამოსცა ამ საკითხებზე 3 მონოგრაფია). მის მიერ ჩატარებული თეორიული კვლევები თერმოდინამიკაში გახდა საფუძველი იმისა, რომ, ამჟამად, ტექნოლოგიური აკადემიის ბაზაზე, მიმდინარეობს 5 წლიანი ექსპერიმენტალური დაკვირვება გერმანელი სპეციალისტების მიერ დამზადებულ უნიკალურ დანადგარზე, რომელიც, სიბნელისა და სიცივის პირობებში, უწყვეტად გამოიმუშავებს ენერგიას. იმავდროლად, ტურბულენტობის თეორიაში სრულიად ახალი, დროითი მასშტაბების შემოღებით, მის მიერ გადადგმულია უმნიშვნელოვანესი ნაბიჯები ტურბულენტობის მათემატიკური პრეობლემის გადასაჭრელად. აღნიშნული მიმართულებით მიღებული შედეგები, ამ ეტაპზე, ინტენსიურად ქვეყნდება მსოფლიოს წამყვან სამეცნიერო ჟურნალებში.
მანანა ფერაძე
მთავარი ბუღალტერი
მანანა ზაქარიაას ასული ფერაძე დავიბადე 1961 წლის 17 აგვისტოს ლაგოდეხის რაიონის სოფელ გელათში დაავამთავრე საქართველის სახ უნივერსიტეტი 1982 წელს საფინანსო საბანკო ფაკულტეტი 1983 წელს მუშაობა დავიწყე საქართველოს ქ თბილისი ყოფილი ოქტომბრის რაიონის ბინ სოც ბაკში საოპარიციპ განყოფილების უფროსად 1985 წელს გადავედი რკინიგზის სამმართველოში მრეწვ მშენ ბანკში პიველი მაისის რაიონში შემდეგ მოხდა რეფორმა და ჩვენს ბანკს შეეცვალა სახელი, გაერთიანებული ქართული ბაკით იქაც საოპერაციო განყოფილების უფროსი და პლიუს 400 ორგანიზაციის ოპერატორი ვიყავი, 2001 წლამდე შემდეგ 2001წელს გადავედი აეროპორტში კერძოდ ავიასაწვავ სერვისში მთ,ბუღალტრის მოადგილედ 2006 წლამდე შემდეგ ვარ ძლიერი ბუღალტერი და მყავს ჩემი კომპანიები და უწევ დღემდე ბუღალტრულ და აუდიტურიულ მომსახურეობას სხვადასხვა კომპანიებს მთ შორის აიპ განათლების და მეცნიერების პროგრესს,
მარიამ შავლაყაძე
იურისტი
მარიამ შავლაყაძე დაიბადა 1992 წლის 7 სექტემბერს ქ. თბილისში. 2014 წელს დაამთავრა ივ. ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტერი და მიენიჭა სამართლის ბაკალავრის აკადემიური ხარისხი, ხოლო 2016 წელს დაამთავრა გერმანიის ქ. კიოლნის უნივერსიტეტი და მიიღო სამართლის მაგისტრის აკადემიური ხარისხი. სამაგისტრო საკვალიფიკაციო ნაშრომი შეასრულა და დაიცვა კიოლნის უნივერსიტეტში თემაზე “პრესის თავისუფლების ზღვარი გერმანიის ფედერაციულ რესპუბლიკაში“. იგი გახლავთ გერმანიის აკადემიური გაცვლის სამსახურის (DAAD) ჯილდოს/სტიპენდიის მფლობელი. მიღებული აქვს კიოლნის უნივერსიტეტის სერტიფიკატები მაღალი შეფასებებით „სისხლის სამართალში“ და “სახელმწიფო მოწყობის სამართალში კონსტიტუციური სამართლის მოწყობის მიმართულებით“. იგი გახლავთ ბერლინის უნივერსიტეტსა და თბილისის სახელმწიფო უნივერსიტეტს შორის გაცვლითი სემინარის მონაწილე და მომხსენებელი. გავლილი აქვს მრავალი ტრენინგი და პრაქტიკა სპეციალობით როგორც საზღვარგარეთ, ასევე საქართველოში.
მ. შავლაყაძეს მიღებული აქვს საქართველოს ადვოკატთა ასოციაციის სერთიფიკატი ადვოკატთა საკვალიფიკაციო გამოცდის ჩაბარების შესახებ საერთო სპეციალიზაციის განხრით. უმაღლეს დონეზე ფლობს გერმანულ ( Zeugnis TestDaf, C1) და ინგლისურ (Cambridge English Advanced (CAE), International House Certificate in English as a foreign language Advanced, A) ) ენებს. 2014 წლიდან დღემდე არის ა(აიპ) „განათლებისა და მეცნიერების პროგრესის“-ის იურისტი.
ხათუნა ყიფიანი
ფსიქოლოგი
თინათინ მაღრაძე
მართველთა საბჭოს მრჩეველი
მარინა ქურდაძე
მართველთა საბჭოს სამეცნიერო კონსულტანტი, პროფესორი
